Sidee ayay kuula muuqataa in loola dhaqmo dadka xiska ka xanuusanaya amma waalan?

Sharraxaad kooban.
Xanuunka dhinbirka amma waallida ayaa baadhitaanno kala duwan oo la sameeyey waxay caddeeyeen inuu sare u kacay sannadadii ugu danbeeyey deegaannada ay dadka Soomalida ahi degaan. Tusaale ahaan marka aad joogto magaalooyinka Hargeysa, Garoowe, Gaalcakayo, Muqdisho iyo meelaha kale ee soo raaca waxa aad arkaysaa dadka xiska ka xanuusanaya amma waalan oo waddooyinka iyo meelo aanay nadaafadoodu hagaagsanayn ku sugan. Waxa jira tirooyin badan oo kale oo dadka ehelada u ahi silsilado guryaha dhex dooda ku xidhaan. Iyagoo xadhigaa ku sababeeya mid ay ku ilaalinayaan ammaanka qofka waalan in aan dhib loo gaysan amma aanu isagu dhib gaysan.

Su'aasha toddobaadka.
Haddaba dhegayste sidee ayay kuula muuqataa in loola dhaqmo dadka xiska ka xanuusaya amma waalan?

A-In eheladoodu guryaha ku xidhaan
B-In la sii daayo oo ay si xor ah isaga noolaadaan
C-In la geeyo goobaha lagu xannaaneeyo dadka xiska ka xanuusanaya amma waalan

Tilmaame.
Fadlan marka aad jawaabta soo diraysid raac tilmaamahan:

Ku qor halka farriinta lagu qoro ee telefoonkaaga marka hore HIRAD kaddibna raaci A, ama B, C, ama D, haddii aad qorto “Hirad A” waxa aad dooratay In eheladoodu guryaha ku xidhaan. Hirad B waxay la mid tahay “In la sii daayo oo ay si xor ah isaga noolaadaan." Haddii aad qorto “Hirad C” waxay kaaga dhigantahay "In la geeyo goobaha lagu xannaaneeyo dadka xiska ka xanuusanaya amma waalan .”
Intaa midkood marka aad qorto u dir 313, telefoonkaagu lacag kaama jaranayo marka aad jawaabtan noogu soo diraysid 313. Xilliganna waxaa farriimohooda soo diri kara dhagaystayaashayada Puntland, Galmudug, badhtamaha iyo koonfurta Soomaaliya ee isticmaalaya telefoonnada Golis iyo Hormood, iyo qofkasta oo degaanno kale ku isticmaalaya telefoonka Golis iyo Hormood. Sidoo kale dhageystayasha ku dhaqan somaliland ee isticmaala telefoonka Telesom dhawaan ayey nagu soo biiri doonaan.

  Bahda Hirad.